आवरउदयपुर, फागुन १४
त्रियुगा नगरपालिका वडा नं १२ का वडाअध्यक्ष चुडाराज काफ्लेको अन्तिम दाहा संस्कार गरिएको छ । सोमवार त्रियुगा नदीमा पार्टीको झण्डा ओढाउँदै अध्यक्ष काफ्लेको अन्तिम दाहा संस्कार गरिएको हो । अध्यक्षको पार्थीर शरिरमा नेपाली कांग्रेस प्रदेश सभा सदस्य हिमाल कार्की र प्रदेश १ सह–माहामन्त्री बिनोद वस्नेत लगायतले शवमा झण्डा ओढाएका थिए । काफ्लेको जिल्ला हस्पिटल उदयपुरमा पोष्टमार्टम पश्चात त्रियुगा नगरपालिकामा श्रद्धान्जली अर्पण गरिएका थिए । श्रद्धान्जली पछि उनलाई अन्यष्टीका लागि त्रियुगा नदी पुराईएका थिए । काफ्ले गत हप्ता शिबरात्रीको दिन मोटरसाईकाल दुर्घटनामा परी घाईते भएका थिए । उनको उपचारको क्रममा न्युरो हस्पिटल बिराटनगरमा मृत्यु भएको हो ।