तुलसी निरौला, झापा
झापाको मेचीनगर नगरपालिका-१० मा रहेको कपास उद्योगमा आगलागी भएको छ ।
कपास उद्योगको कपास पेल्ने मेशिनबाट अचानक आगलागी शुरु भएको प्रहरीले जनाएको छ ।
आगलागीबाट कपास पेल्ने मेशिन, कच्चा पदार्थ तथा अन्य समान समेत जलेर नष्ट हुँदा करिब दश लाख रुपैयाँ बराबरको क्षति भएको प्रहरीले जनाएको छ ।
सो आगलागी प्रहरी तथा स्थानीयवासीको सहयोगमा नियन्त्रणमा आएको प्रहरीले जनाएको छ ।
आगलागीकाे कारण बारेमा अन्य थप अनुसन्धान भईरहेको जिल्ला प्रहरी कार्यालय झापाले जनाएको छ ।