तुलसी निरौला, झापा
झापामा एक जनाकाे पौडी खेल्ने क्रममा डुबेर मृत्यु भएको छ । मृत्यु हुनेमा झापा शिवसताक्षी नगरपालिका–८ स्थित डुडामारीका २८ बर्षीय जीवन थाम्सुहाङ रहेका छन् ।
झापाको शिवसताक्षी–१० स्थित माईखोलामा साथीहरूसँग पौडी खेल्ने क्रममा उनी माईखोलाको बाधमा बगेर बेपत्ता भएका थिए । थाम्सुहाङ बेपत्ता भएको खबर प्राप्त हुन साथ इलाका प्रहरी कार्यालय झिलझिले र अस्थाइ प्रहरी पोष्ट माईधारबाट गएको प्रहरीकाे टोलीले खोजतलास गर्दा बगेको ठाँउबाट अन्दाजी ५०० मिटर दक्षिण उनलाई मृत अवस्थामा फेला पारेको झिलझिले प्रहरीले जनाएको छ ।