आवरउदयपुर,जेठ २२।
उदयपुर फुलजोरमा मोटरबाइकलाई टिपरले ठक्कर दिदा २ जनाको मृत्यु भएको छ । मंगलबार त्रियुगा नगरपालिका १ स्थित फुलजोरमा टिपरले मोटरसाईकललाई ठक्कर दिँदा मोटरसाईकल चालक र पछाडी सवार दुवैजनाको ज्यान गएको हो । ज्यान जानेमा बेलका नगरपालिका १ बस्ने बर्ष ३० को रबिन श्रेष्ठ रहेको छ भने पछाडी सवार त्रियुगा नगरपालिका वडा नं ३ को बर्ष २४ को बिरा राई रहेको जिल्ला प्रहरी कार्यालय उदयपुरले जनाएको छ ।
बेल्टारबाट गाईघाट आउँदै गरेको प्रदेश १–०२–००१ ख ८५१४ नं मिक्स गिटी बोकेको टिफरले विपरित दिसा गाईघाट देखी बेल्टार तर्फ जाँदै गरेको प्रदेश १–०२–०५२ प ३९५८ न मोटरसाईकललाई ठक्कर दिएको थियो । गम्भीर घाईते दुवैलाई उपचारको लागि जिल्ला हस्पिटल गाईघाट ल्याएकोमा हस्पिटलले मृत घोषणा गरेको थियो । दुवैजनाको शव पोष्टमार्टमका लागि हस्पिटलमा राखिएको छ भने दुर्घटनामा संलग्न मोटरसाईकल र टिपरलाई नियन्त्रणमा लिएको छ ।