ललित राइ,उदयपुर,फागुन १४
उदयपुर जिल्लाको बेलका नगरपालिका मा रहेको पव्लिक एकेडमी ले“ हामी बाँचे समाज बाच्छ, समाज बॉचे देश,महामारी फैल्याउनु भन्दा बजार सफ़ाई राखेकै वेश,” नारा सहित आज शुक्रवार रामपुर बजार सरसफाई गरिएको छ। रामपुर पव्लिक एकाडेमीकाे अगुवाईमा बिद्यालयका माबि तहका बिद्यार्थी , शिक्षक , ईलाका प्रहरी कार्यालय रामपुर, उद्योग बाणिज्य संघ रामपुर लगायतको संयुक्त टोलिले बजारको सरसफाई गरेको हो ।
बिद्यार्थीहरुलाई सरसफाई सम्बन्धी सचेतना अभिवृद्धि संगै समुदायमा आफ्नो घर आँगन चोक बाटो बजार लगायत सार्वजनिक स्थलहरु सफ़ा सुग्घर राख्न सबै पक्ष लाग्न अनुरोध सहित सरसफाई कार्यक्रमको आयोजना गरिएको राम्पुर पब्लिक एकाडेमीका प्रिन्सीपल मानु भण्डारीले बताए।
सरसफाई कार्यक्रममा बेलका नगरपालिकाले फोहोर संकलनका लागि ट्याक्टर तथा फोहोरमैला व्यवस्थापन केन्द्रको तर्फबाट सरसफाईमा संलग्नहरुका लागि रबर हाते पंजा सहयोग गरेको थियो।
नगरपालिकाको प्रमुख बजार रामपुर बजारको पुरानो थाना पश्चिम देखि जसोदा खोला देखि पुर्ब को बजार क्षेत्रको सरसफाई गरिएको रामपुर पब्लिक एकाडेमीका लेखा शाखा प्रमुख बिकास बन्जराले बताए।बन्जराकानुसार बिद्यालयको नियमित अतिरिक्त कृयाकलाप अन्तर्गत बिद्यार्थीहरुलाई सरसफाईमा संलग्न गराईएको बताए।