आवरउदयपुर भदै २१
काठमाडौँ महानगरपालिकाले भोलि शोक बिदा दिएको छ । काठमाडौं महानगरपालिका वडा नम्बर १६ का वडाध्यक्ष मुकुन्द रिजालको निधनमा शुक्रबार महानगर अन्तर्गतका कार्यालयहरूमा शोक बिदा दिइएको महानगरका प्रवक्ता नवीन मानन्धरले जानकारी दिए ।
रिजालको बिहीबार बिहान ग्रान्डी अस्पतालमा निधन भएको छ । उनको स्वास्थ्यमा समस्या देखिएपछि भदौ १७ गते उनलाई ग्रान्डी अस्पताल लगिएको थियो ।
रिजालको दुवै फोक्सोमा सिभियर निमोनिया देखिएपछि सघन उपचार कक्षमा भर्ना गरी उपचार गरिएको थियो । उनलाई डेंगीसमेत लागेको थियो ।
उनको उपचारका क्रममा आज बिहान ७ः३० बजे निधन भएको अस्पतालले जारी गरेको विज्ञप्तिमा भनिएको छ ।
