आवरउदयपुर,साउन १७
नेकपा (माओवादी केन्द्र) को केन्द्रीय कमिटी थप विस्तार गरिने भएको छ ।
पार्टीको केन्द्रीय समितिलाई तेस्रोपटक विस्तार गर्दै सदस्य संख्या ४०९ बनाउन लागिएको हो । २०७८ पुसमा भएको आठौं महाधिवेशनले २९९ सदस्यीय केन्द्रीय कमिटी अनुमोदन गरेको थियो ।
तर गतवर्ष विधान विपरित समितिलाई विस्तार गरी ३८५ सदस्यीय बनाइयो । आज माओवादी पार्टी कार्यालय पेरिसडाँडामा बसेको स्थायी कमिटी बैठकले फेरि विधान संशोधन गरी केन्द्रीय समिति समावेशी बनाउने निर्णय भएको छ ।
विधान समावेशी नभएको भन्दै महिला, जनजाति र युवा साथीहरूले गुनासो गरेकोले उनीहरूको मागलाई सम्बोधन गर्न विधान संशोधन गर्ने निर्णय भएको छ । संशोधित विधान केन्द्रीय समितिले अनुमोदन गरेपछि ४०९ सदस्य हुने माओबादी केन्द्रले जनाएको छ ।
