आवरउदयपुर,असार १०
कांग्रेस सभापति शेरबहादुर देउवा फेरि प्रधानमन्त्री बन्ने योग बनेको एक ज्यातिषले बनाएका छन् । एक टेलिभिजन अन्तरवार्ताका क्रममा बोल्दै ज्योतिष एवं वास्तुविद् सुरेशचन्द्र रिजालले यस्तो दाबी गरेका हुन् ।

उनले अहिले राजनीतिक परिवर्तनको मोडमा आएको र देउवाको प्रधानमन्त्री बन्ने योग बलियो रहेको बताए । ‘अहिलेको परिस्थिति केही परिवर्तन छ । फेरि पनि शेरबहादुर देउवा प्रधानमन्त्री हुने योग बन्न लागेको छ,’– उनले भने ।

अहिले बनेको गठबन्धन राम्रो समयमा नबनेको उनले बताए । अहिले बनेको गठबन्धन शनीको साढेसातीमा परेको उनको दाबी छ ।

देउवा प्रधानमन्त्री बन्ने योग असार २५ गते, मंसिर र त्यो भन्दा पछाडि पनि रहेको उनले दाबी गरे । उनले प्रधानमन्त्री पुष्पकमल दाहाल प्रचण्ड सरकार अप्ठेरोमा पर्ने त्यो सम्हाल्न फेरि देउवा प्रधानमन्त्री बन्न आउने उनको भनाइ छ ।