२०७९/०७/७हिमाल राई
आज बराहक्षेत्र नगरपालिका वडा नं २ को कार्यालयमा माउन्ट एभरेष्ट स्पोर्टिङ क्लबले
U-15 SAAF Women’s Championship-2018 र AFC Women’s Championship-2019 खेलिसकेका खेलाडी मनिषा विष्ट र नवौ राष्ट्रिय खेलकुद प्रतियोगिता अन्तर्गत प्रदेस खेलकुद विकास बोर्ड प्रदेश नम्बर १ द्वारा आयोजित प्रदेश खेलकुद छनौट खेलकुद प्रतियोगितामा सुनसरी जिल्लाको बराहक्षेत्रको प्रतिनिधित्व गर्दै सुनसरी जिल्ला महिला फुटबल टिमबाट सहभागी हुदै तृतीय स्थान हासिल गर्न सफल आफ्नो क्लबका खेलाडीहरुलाई माउन्ट एभरेष्ट स्पोर्टिङ क्ल्बले एक कार्यक्रमको आयोजना गरि सम्मान गरेको छ।
सम्मानित हुने खेलाडीहरु
साफ यु १५ र एएफसि यु-१६ का खेलाडी मनिषा विष्ट प्रदेस नम्बर १ का खेलाडी जिना बिष्ट, रेविसा श्रेष्ठ,अस्मिता राई तथा रचना राईलाई सम्मान पत्र हस्तान्तरण प्रदान गरेर सम्मान गरेकाे छ ।
माउन्ट एभरेष्ट स्पोर्टिङ क्लबका प्रशिक्षक सुर्य तुम्बाहाम्फे(रविन) को नेतृत्वमा बराहक्षेत्र वडा नं १-२ बाट राष्ट्रिय महिला फुटबल खेलाडीहरु मनिषा विष्ट, मुना थापा मगर र पवित्रा राई उत्पादन गरी उनिहरुले विभिन्न ठाउँमा आफ्नो खेल कौसल देखाइ सकेका छन्।
सम्मान कार्यक्रममा माउन्ट एभरेष्ट स्पोर्टिङ क्लबका उपाध्यक्ष जितेन्द्र राईको सभापतित्वमा प्रमुख अतिथि २ नम्बर वडा अध्यक्ष होम प्रसाद गौतम,विशिष्ट अतिथि १ नम्बर वडा अध्यक्ष किसन थापा मगर, २ नम्बर वडा महिला सदस्य चुनु श्रेष्ठ, वडा सदस्य प्रेम प्रसाद दाहाल,चतरा फुटबल क्लबका सचिव दिनेश राई,हाटखोला फुटबल क्लबका अध्यक्ष विकास सुनुवार,सचिव रोहित शाह ,ए डिभिजन खेलाडी बर्तमान राई, अन्य खेलाडीहरुको उपस्थितिमा कार्यक्रम सम्पन्न भएको थियो।