हिमाल राई बराहक्षेत्र:-
वराहक्षेत्र नगर पालिका वडा १ कार्यालयले माउन्ट एभरेष्ट स्पोर्टिङ क्लबका महिला फुटबल खेलाडीहरुलाई पाँच थान फुटबल प्रदान गरेको छ ।
माउन्ट एभरेष्ट स्पोर्टिङ क्लबद्वारा संचालित महिला फुटबल ट्रेनिङ सेन्टरमा वडा नम्बर १ का १३ जना महिला खेलाडीहरु रहेकोे हुँदा महिला फुटबल खेलाडीहरुलाई हौसला-प्रोत्साहन तथा राष्ट्रिय खेलाडी उत्पादन गर्नमा केही सहयोग होस भन्ने उद्देश्यले पाँच थान फुटबल प्रदान गरिएको कुरा बडा अध्यक्ष सुरेश श्रेष्ठ जानकारी दिए।
वडा नं १ का अध्यक्ष श्री सुरेश श्रेष्ठले एक कार्यक्रमका बीच स्पोर्टिङ क्लबका अध्यक्ष तथा प्रशिक्षक सुर्य तुम्बाहाम्फे, टिम क्याप्टेन रेजिना श्रेष्ठ, खेलाडीहरु जिना विष्ट र अस्मिता राईलाई पाँच थान फुटबल उपलब्ध गराएका हुन्।
माउन्ट एभरेष्ट स्पोर्टिङ क्लब तथा महिला फुटबल खेलाडीहरुको तर्फबाट कोच सुर्य तुम्बाहाम्फेले बडा अध्यक्ष सुरेश श्रेष्ठ,वडा कार्यालय प्रति हार्दिक बधाई तथा कृतज्ञता प्रकट गरेका थिए।
सुर्य तुम्बाहाम्फेले बराहक्षेत्र नगर पालिका वडा नं १-२ बाट उत्पादन गरेका महिला राष्ट्रिय फुटबल खेलाडीहरु मनिषा विष्ट,मुना नगर तथा पवित्रा राईहरुले राष्ट्र तथा बराहक्षेत्रको प्रतिनिधित्व गर्दै आफनो प्रतिभा देश विदेशमा देखाइ रहेका छन्।
कार्यक्रममा वडा नं १ महिला जनप्रतिनिधि श्री सुशीला सेर्पा बडा सचिव लक्ष्मण पौडेल तथा लोकेस कुमार दाहाल लगायतको उपस्थिति रहेको थियो।
यस अघि पनि बराहक्षेत्र नगर पालिका वडा नं २ का अध्यक्ष श्री हरि कृष्ण भट्टराईले महिला फुटबल खेलाडीहरुलाई सहयोग होस भन्ने उद्देश्यले १५ थान फुटबल बुट(जुत्ता) वडा कार्यालय तर्फबाट उपलब्ध थिएँ।
